艾榮大帝爆Seed 騎士食「塞」
騎士昨晨在NBA季後賽東岸決賽第4回合，主場以112比99擊敗塞爾特人，場數領先至3比1，除艾榮攻入個人季後賽新高42分，勒邦占士經過Game 3失準後，今仗爆發取得34分證明實力，不過騎士喺主場竟然被「踩場」，有一位勇士小球迷假扮騎士擁躉，混入觀眾席挑機！
雖然騎士半場落後10分，不過路夫有17分、17個籃板同5次助攻，艾榮更獲得個人季後賽新高嘅42分，助球隊扭轉形勢，加上「大帝」勒邦占士嘅34分，3位加埋已經合轟93分，當中占士喺Game 3第4節隱形冇分落袋，但今仗用行動令批評者封口，佢單喺第4節就攻入15分，就算塞爾特人5位正選有4個得分「15+」都冇用，加上主將湯馬士因傷繼續缺陣，作客逃唔過敗北命運。
勇士小球迷踩場挑機
不過騎士贏波風頭居然畀一位「不速之客」搶晒，事關有位勇士小球迷混入騎士主場睇波，仲着住騎士波衫遮住件勇士球衣，並趁電視鏡頭影佢時，Show起件勇士波衫公然向騎士挑機！
周五賽程
對賽 開賽時間
塞爾特人Vs騎 士 8:30am（東岸決賽第5回合）
昨日賽果
騎士112:99塞爾特人（騎士總場數領先3:1）
前者主場；資料及賽果只供參考