李瀚灝珍惜當下
和富大埔今季注入青春新力量，但身為舊臣的門將李瀚灝在巴西巨「龍」保羅競爭下，一洗以往「派膠」本色，誓要珍惜當下吐烏氣。31歲的李瀚灝去季重返和富大埔，惟會方未能覓得贊助商而婉拒足總留級邀請，阿灝只能一邊於甲組協助球隊升班，一邊教波維持生計。和富大埔今季獲巴西門將保羅加盟，曾於東方與保羅共事的「阿灝」仍在各項賽事把關18場，穩定表現一洗以往「派膠」污名。
阿灝坦言幾乎失業的低潮令他重覓方向：「冇波踢嘅時間好難過，試過一日教幾班波，中間時間唔知去邊度Hea，更加令我珍惜當下。」
未轉行皆因唔甘心
阿灝出道初年曾有不少「蝦碌」，眼看同期出道的本地門將如吳逸凱、張景驊逐一轉行，堅持留低只因不甘：「唔想畀人話足一世『派膠』！出道初年冇龍門教練幫手，練波有時難免會Hea，後嚟轉投東方除咗門將教練鍾皓賢傳授經驗，身材高大嘅保羅加強射門力量訓練，仲有阿輝（葉鴻輝）好似機械人咁嚴格，點都會激勵你進步。」
兜兜轉轉愛回家，笑言已成老將的「阿灝」目標明確：「攞番個盃當然最好，下季喺聯賽表現再穩定啲，有能力取得更好成績。」