蔡尚圻搵埋喇沙校友贊助
和富大埔今季重返港超，便繼2012/13球季勇奪銀牌後再闖盃賽決賽，除了由主帥李志堅領軍的「堅家軍」注入青春力量，贊助商支持亦一掃地區球隊資源有限困境。今季贊助和富大埔的足球部主席蔡尚圻已為來季組軍，協助大埔茁壯成長。
去季曾出任香港飛馬董事兼總監的蔡尚圻（Gary），認為地區球隊獨有的街坊凝聚力，其他香港球隊難尋。Gary昨日操練向球員公布以媲美南華爭奪足總盃的40萬元獎金衝冠，並已為來季開始組軍：「地區球隊比起其他球隊多咗政府及地區人士參與，但對我嚟講最緊要係管理透明。大埔之前兩度降班，唔多唔少畀人感覺唔夠穩定，所以今季特別同球員提前傾續約，唔使每逢季尾就擔心下季前途。」
Gary透露除已簽入潛質新血，亦會陸續物色贊助商支持。大埔在明午菁英盃決賽更會披上印有新贊助電訊數碼的特別版球衣，畢業於喇沙書院的他，期望借助校友力量支援：「和富大埔會長李宗德太平紳士都係喇沙校友，今年我哋不時透過足球交流，希望可以打動校友贊助同支持球隊之餘，亦能同學校建立平台互助。始終今年係大埔重返超聯首季，當係先打好根底，亦希望黃威、李嘉耀等可以擔到大旗，畢竟香港需要本土球員接班，呢個亦係大埔未來幾年宗旨。」