大家好，我係馮學林，2016至2017年球季對我來說充滿挑戰，而且係珍貴嘅一年，首先想喺呢度多謝冠忠南區，今年畀一個機會我成為職業球員。
挑戰？就係每日搭約1個鐘車程由天水圍到南區練波，能夠將興趣成為職業已經係一種鼓舞，一種鼓勵。或者因為第1年成為職業足球員，季初練習嘅時候，表現唔係太好，幸好教練同隊友對我嘅耐心教導，令我表現逐漸改善，所以好想喺度多謝咁多位隊友嘅忍耐同教導。
另外，我特別鳴謝球隊中嘅3位隊長陸志豪、梁子駿同謝德謙，佢哋3位喺呢一年入面真係教咗我好多，場內場外，我一生受用。依家我嘅目標係繼續提升自己，等待一個機會去證明自己，答謝大家。
冠忠南區球員 馮學林