貪靚少女無懼炒車留疤
馬詠茹甜美清純的樣貌人見人愛，身高達1米69的她擁有一雙長腿，更就讀於出名多靚女的中文大學酒店及旅遊管理學系，加上有着獅子座熱情及陽光的獨特性格，可說是體育界的新一代「女神」！原來Vivian在中六時亦曾代表過英華女學校出戰「學界男女神」比賽，現時於社交網站follow者眾，鋪一張照片都有數百「Like」，女神形象又會否成為她的包袱呢？
「怕辛苦學咩人練車」
就連好拍檔Sarah都忍不住笑指Vivian私下亦有「少女」一面，非常「貪靚」。不過Vivian在場上卻事事做足，絕不為保靚女樣而「就住就住」，對踩車態度堅定，她表示：「我喺港青嗰時撞傷過上唇，依家仲有少少疤痕，但我唔會驚，因為我覺得每個運動都有自己嘅難處，只係有啲傷痕可能唔係表面可以睇到。我揀得呢個運動，返得嚟我就預咗有機會受傷，無得話我驚炒車就點，驚呢樣驚嗰樣就唔會贏到，怕辛苦學咩人練車，受傷係避免唔到，我一定會繼續踩落去！」