白鶴補時絕殺 東方龍獅險勝甩開9分
「新聞人物」白鶴大踢爭氣波，梅開二度協助東方龍獅於「中銀人壽香港超級聯賽」以4比3險勝南華，取得重要衞冕3分！白鶴日前於微博炮轟港隊教練金判坤，惹起中韓政治風波揣測，昨日每逢觸球也被對手球迷柴台，惟他未受影響之餘，更於38分鐘主射罰球直飛死角，協助主隊半場領先1比0。
不過東方龍獅門神葉鴻輝被高美斯埋門時踩傷，易邊後被迫退下火線，及後基奧雲尼60分鐘射入靚波助東方領先至2比0，但東方守將曾錦濤擺烏龍，加上麥高派路域遠射地波貼柱入網，令南華一度追成2比2。雙方於比賽末段你來我往，勞高85分鐘接應美路史拿域妙傳射成3比2，但南華2分鐘後再由保贊接應界外球頂成3比3。以為和波之際，白鶴補時階段接應勞高右路傳中射入空門，為東方龍獅奠定4比3勝局，暫拋甩少踢2場的傑志9分。
葉鴻輝傷出望冇大礙
白鶴絕殺後激動得脫衣慶祝，他笑言已忘記上次梅開二度是何時，面對近日風波他平靜說：「我冇必要特別為任何人證明自己能力，因為每場比賽我都認真去踢，最緊要係幫東方贏波！」至於傷出的葉鴻輝表示初步傷勢不算嚴重，但仍需檢查有否骨裂，希望不會影響本月28日作客黎巴嫩的亞洲盃外圍賽。