KD潮韋心有靈犀拆你屋
杜蘭特與韋斯布克的「兄弟情仇」，一直是傳媒關注話題，賽前的連串冷戰已經令「花生友」大呼過癮。不過比賽期間這對西岸隊友卻能拋開恩怨，比賽初段杜蘭特就曾背對籃框，交出美妙助攻予韋斯布克表演精彩「拆你屋」，心有靈犀的表現讓隊友和球迷睇到熱血沸騰。
完半場時杜蘭特接受訪問笑住表示：「韋斯布克係好出色嘅球員，當時佢走空晒，咪交波畀佢入樽囉！」今仗到場觀戰的杜蘭特媽媽，繼早前與韋斯布克的媽媽Selfie自稱「好姊妹」後，賽前又找來韋斯布克爸爸合照，並留言：「家人永遠是家人。」力圖打破兄弟不和傳聞。
夏登食出尷尬大三元
韋斯布克今仗有41分進帳，得分僅次安東尼戴維斯，至於杜蘭特雖然「只有」21分，但同時交出10個籃板及10次助攻，令他成為繼米高佐敦、勒邦占士及韋迪後，史上第4個在明星賽食出「大三元」球員，認真威水。事實上，另一位西岸球星占士夏登亦有「三雙」，拿下12分和12次助攻之外，慘情錄得10次失誤，交出「尷尬大三元」。