東方贏讀賣和仔回憶一樣high
今次是亞洲足協自2002年改制亦名為亞洲聯賽冠軍盃以來，首度有香港球隊征戰分組賽。不過早於1990年代及千禧初年，香港球隊於當時的亞洲冠軍球會盃單挑中、日、韓列強也不乏經典佳作，如南華曾於2002年的次圈賽事3比2險勝清水心跳，其後獲亞洲足協選為該月最佳球隊。而曾於1990年代締造王朝盛世的東方，也於1993至1994年球季，在旺角主場憑「辣椒」趙俊明射入全場唯一入球，以1比0擊敗另一日職勁旅川崎讀賣。
回憶起當天場面，「和仔」李健和即滔滔不絕：「嗰陣東方人腳好完整，嗰陣未有亞援，我哋出得譚拔士、基亞同奧沙3個外援，最終能夠主場贏波，梗係開心啦！（記唔記得幾錢獎金？）好似係3,000蚊，嗰時好多啦！」
讀賣未夫添一樣難「撲飛」
雖然當年川崎讀賣並未有「夫添」來港，但依然掀起一片「撲飛熱」︰「係呀！旺角場座位唔多，就算嗰時我哋球員可以內部認購，都唔夠應酬親戚朋友啦！好記得當年知道讀賣嚟，突然多咗好多好耐無見朋友聯絡我，哈哈！」那次讀賣來港並未有強陣出擊，但港甲球隊能夠擊敗日職勁旅，「和仔」謂心情很多天後才能夠平復︰「入波的『辣椒』直情傻咗添啦！當時對手只係嚟咗比斯默同中村忠，唔齊人，但都好勁。我哋雖然心知實力不如人，咁唔通未踢就認輪呀？咪同佢死過囉！今次東方出戰亞冠盃分組賽都一樣，係人都知同組3隊實力高好多，咁咪分開嚟踢，每一場都搏盡，話唔定有驚喜呢？踢過先知贏輸！」