協恩女籃5連霸 英華王子復仇封王

英華隊員賽後十分激動。

你來我往全場High爆

九龍區王者男拔首節雖曾領先9比4，但英華隨即打出一波7比0攻勢反超前。男拔隊長葉耀邦第二節大爆發，個人獨取9分，惟英華主將何倚楊射入3分波為球隊一度拉開至7分差距，雙方梅花間竹得分，節奏明快，看得全場血脈沸騰，半場英華領先41比35。下半場男拔一口氣連入8分，令英華的領先優勢蕩然無存，第四節初段英華更以50比60落後。尾段英華先轟兩球3分，追至64平手，上場射入絕殺3分波的蘇冠維此時再射入關鍵3分，為英華反超前，最後1分鐘雙方打成70平手，何倚楊射入兩分波致勝，以72比70勝出，球員賽後激動得相擁而哭，更將教練朱耀明拋起慶祝！

射入致勝球的英華得分後衞何倚楊指冠軍對自己意義重大：「自己7年未贏過男拔，之前都係師兄贏，今次用實力拎第一次冠軍，所以我好激動，我想將冠軍送畀英華同朱Sir！」他又指落後時堅持下去，全因心中有個想法：「我諗呢次係我最後一次精英賽，我唔想再怯，想贏番一次！」英華教練朱耀明大讚球員：「佢哋好值得鼓勵，每一次輸都唔會放棄，依家終於取得成功。」

女子組方面，協恩創造5連霸偉業，硬碰由翁金驊帶領的漢華贏得輕鬆，以73比56擊敗對手，將劍指今年餘下兩個大賽─Panasonic學界籃球邀請賽及學界籃球馬拉松的后座。

英華得分後衞何倚楊（右）射入致勝球。

協恩女將影威水相。