馬德里體育會王牌基沙文轉會傳聞未停過，人氣勁高，最近佢仲透過社交媒體自爆將會撈過界進軍娛樂圈，聲演《樂高蝙蝠俠大電影》法語版嘅超人，而且佢唔止話覺得好開心，仲講埋法國國家隊隊友馬度迪都有份為呢套動畫配音！至於佢嘅去向又有新發展，除咗早前有指車路士加入搶人，意甲嘅國際米蘭都話準備喺今夏動用1.29億歐元轉會費收購「基超人」，睇嚟曼聯想收購心頭好要加多兩錢肉緊。