奪今季第17次「三雙」潮韋差2場超越魔術手
雷霆昨於主場以121比106擊敗金塊，結束3連敗，主將韋斯布克攻入32分，兼且個人今季第17次交出三雙，只要再多2次，就可以打破湖人傳奇「魔術手」莊遜，單季做出18次三雙的紀錄，相信以韋斯布克目前狀態，破紀錄只係時間問題！
「潮韋」今仗取得32分、17個籃板同11次助攻，即使他出現5次失誤，仍然帶領雷霆在第3節開始拉開分數，終止3連敗走勢，而且韋斯布克今季已累積17次三雙，變身超級「刷數據」機器，假如佢今季餘下賽事取得多2次三雙，仲可以壓倒魔術手莊遜，獨佔聯盟單季三雙次數最多第8位。
湯馬士38分 綠軍4連勝
同日賽事，塞爾特人於主場以117比108擊敗塘鵝，身高1米75嘅湯馬士（圖右）取得38分同3個籃板，帶領「綠軍」在比賽初段一度落後10分下完成逆轉，取得4連勝。另一方面，身高2米11的安東尼戴維斯取得36分、15個籃板同2次助攻，依然阻止唔到塘鵝3連敗。
