陳婉婷紅爆多得背後的男人

去年今日的「牛丸」陳婉婷才剛接過東方龍獅帥印，豈想到除了帶領球隊蟬聯銀牌及稱霸港超，還贏得一系列個人榮譽：香港足球明星頒獎禮最佳教練、銅紫荊星章、健力士紀錄認證、英國廣播公司年度百大女性、亞洲足協最佳女教練。最令「牛丸」深刻的「Moment」，想也不用想便記起這一天︰「一定係2016年4月22日擊敗南華取得聯賽冠軍，完場時我還未識得反應。呢個冠軍係球隊上下搏盡爭取，來得特別珍惜同感動。至於最意想不到則係亞洲足協最佳女教練榮譽，香港有唔少有心有力教練，但要面對好多限制同困難，只係欠缺適合時機及平台發揮，獲獎可說係對香港教練嘅認同。」

遇散班危機諗過轉行

從初入球圈挑戰仍是男人當道的足球世界，到今日打破性別界限榮譽滿載，「牛丸」的教練路走來看似平坦，實則暗藏崎嶇考驗。東方今夏因贊助商變動前途未明，過去幾度「失業」的噩夢幾乎重演，她卻堅定目標不言棄，才能成就今日風光。「香港足球生態環境每季都有散班可能，自己試過沮喪到下載埋搵工app準備轉行，但始終對足球有特別情意結，去到其他界別唔會咁享受同鍾意自己工作，所以一直留守陣地，總可迎難而解。」

首奪港超	BBC百大女性	躋身健力士

凡事有得總有失，紅遍球壇以外，「牛丸」今年也犧牲了不少與家人朋友相聚時間，也要為球隊成績面對壓力承擔。除了學會管理情緒，「牛丸」慶幸多得身邊人backup，昂首繼續向前走。說到成功女人背後的男人，她更是「有排數」:「第一個一定係當初推薦我接任主教練嘅『Peter哥』（東方龍獅總監梁守志），呢個決定需要好大勇氣。仲有就係黃鎮宇、鍾皓賢、司徒文俊及羅志焜等東方龍獅教練團成員，佢哋經驗一定比我優勝，但係一直以嚟無私奉獻，將最好意見留晒畀我。當然唔少得Daddy及屋企人，由最初反對我加入球圈到全力支持，實在好大鼓勵。」

來年專注亞冠新挑戰

有傳「牛丸」備受外國球會虎視眈眈，不過她笑言「得個吹字」，明年仍會專注為東方龍獅爭取衞冕聯賽及迎接亞冠盃新挑戰︰「第一次代表香港球隊參賽，唔可以失禮香港足球。自己則仍要專注教練工作求進，唔係坐這山，望那山，只會一事無成！」

文／圖：徐嘉嘉