謝安琪睇波摸肚似胎教

為東方龍獅星級粉絲的Kay BB謝安琪，安胎期間都親身入場撐好友香振強及「藍軍」一班猛男，非常之大波癮，睇波時就一路摸住個肚，好似同BB胎教一樣。停工多月的謝安琪已懷孕多月，腹大便便，但好明顯受ABL歷史性首場在港的主場賽事吸引，周四晚孖住老公張繼聰來到修頓室內場，見證東方龍獅對高雄聖徒的大戰。以往Kay睇波不時手舞足蹈，如今陀B當然斯文一點，但就不時微笑及拍掌，更不時雙手摸肚護BB，母性洋溢。