大賽車圓滿結束，車迷最唔捨得應該係一班車模，尋日焦點絕對屬貌似台灣「雞排妹」嘅Karry。Karry目前住喺台南，憑住一身白皙肌膚同勁爆身材，儲落大班fans，Fb戶口更有成3萬幾人Like，畀台灣龍友形容為「白嫩兇」。
至於「翻版全智賢」21歲澳門本土嫩模Bobo，煞科日換上紅色連身裙，最養眼係裙嘅兩邊冇布，露出小蠻腰，加埋招牌甜美笑容，秒殺啦！港澳人士對「日本妹」3個字特別敏感，兩名日模被蜂擁圍住影相，不過佢哋表現略嫌拘緊，仲經常匿入車房添。
