保特去多蒙特跟操等入「魔」

眾所周知牙買加飛人保特（圖）係曼聯死忠球迷，多次表示希望為紅魔鬼效力。不過呢位100米奧運金牌得主依家計劃有變，決定去跟隨德甲勁旅多蒙特操練，30歲嘅保特話已經聯絡過多蒙特教練杜曹，對方都答應畀佢跟操。其實保特對成「魔」仍未死心，佢透露去多蒙特操練，主要係學踢波，希望學有所成，將來可以加盟曼聯。