於日本力爭12連勝的香港單車名將李慧詩（Sarah），昨在京王閣站決賽，慘被日本車手梶田舞瘋狂閘車，未能在最後階段追上放頭大拋離的姬蒂馬珍特同禾姬，只能以第6名完成比賽，連勝斷纜！
Sarah昨仗一開始選擇跟住前車帶頭的7號車手梶田舞。但係去到尾二個圈，Sarah被梶田舞「閘車」，外圍即時有1號車手高木真備包圍，禾姬跟高木真乘勢上前。Sarah被硬閘一嘢之後，一度跌落包尾，前列車手已經帶開，基本上爭勝已經無望。Sarah最後階段想爬頭，希望爭回季席，但一路死頂「女車神」的梶田舞仲要閘多一次，Sarah最後連改寫名次機會都冇埋，只能以第6完成比賽。
姬蒂馬珍特同禾姬就分別奪得頭兩名，另一位日本車手奧井迪，得季軍。