標準灝天 R&F富力 分迎理文流浪 九巴元朗

（周日下午5時30分開賽）

執教練團架構 標準灝天提升體能

標準灝天上場聯賽令到整個斧山道運動場看台一地眼鏡碎，竟然在兩度領先下，以2比3不敵港會。傳聞賽後會方高層震怒，對球員下半場尾段體力不繼感到不滿，經開會檢討後決定將教練團架構重組，包括招重文升任領隊，謝雷和尹東憲擔任體能教練，希望可令球員的體力狀況得到改善。今季退居球會幕後的李輝立表示：「都無炒人，只係希望執吓個架構啫，上場咁樣輸波，球員都應該知咩叫知恥近乎勇，搏命踢番場好波啦！」該隊去仗雖然輸波，但多名球員的表現其實不差，特別是榮升爸爸級的楊賜麟，以及二傳能手「長人」法比安尼等等。

理文流浪傷剩一件外援

儘管球隊士氣高昂，上下一心，但理文流浪的「外援運」似乎麻麻，多名外援輪流受傷，據主教練馮凱文表示，是役僅得基頓一個外援是「無病無痛」。會否讓基頓客串中鋒？「哈！哈！開波應該都會要佢踢番中堅先，之後點就睇戰局變化啦！」「馮Sir」謂球隊上下均十分渴望取得季內首場勝仗，是役或許人腳不整，但依然充滿信心，可以在斧山道運動場帶走贏波3分。

林衍廷李雷掂！富力主場第一擊

「話題球隊」上月底作客大球場取得首勝，球隊上下無比興奮，但領隊兼助教梁志榮提醒球員，贏波已是過去的事，當務乃集中精神應付今日「主場」一役。「雖然話係『主場』賽事，但其實我哋從未喺小西灣練過波，根本無『主場』之實。但遊戲規則係咁，我已經提醒球員臨場要保持集中，繼續地波推進嘅踢法，要有耐性，慢慢尋找反擊機會。」「細榮」謂。

元朗殺手雲迪奴域傷愈

問及開季以來，哪幾位球員的演出能予他驚喜，「細榮」不消考慮答道：「16歲嘅林衍廷啦！年紀輕輕落到場唔驚，打右閘夠晒冷靜，認真估佢唔到！另外，國奧隊中堅楊挺，同埋愈打愈前、由右後衞打到中場再打前鋒嘅李雷，兩個演出都好好，只要集中到精神，發揮就會更好。」R&F富力昨日晨操後，中午南下香港為今日一戰準備。

九巴元朗為檢視兩位外援狄卡奧和雲迪奴域的狀況，早前特別安排兩人到預備組上陣，賽後證實一切對辦，可在今仗候命，至於上陣與否，則視乎少帥曾昭達之戰術需要。