簡單真誠打動仙氣Sindy
不擅辭令的羅港威自幼也非風頭躉，偏偏帶點傻氣的的他憑藉真情打動「仙氣」女友Sindy，成為網民「葡萄」對象！即使女友正參加內地電視台舉辦的選美節目，「港威」也不擔心分隔兩地影響感情，對女友百分百信任，互相打氣扶持追夢。
羅港威去季在香港飛馬上陣不多，季尾卻突然再成網民焦點，皆因他的靚靚女友Sindy曾在《東網》直播比賽被鏡頭捕捉，迅即被一眾「巴打」起底！難道外表戇直的港威也是「偽毒派」？他笑言自己勝在夠真：「Sindy係我朋友小學同學，一次聚會後覺得幾好傾，主動出擊追求。其實我都冇乜特別『手段』，但佢有話過欣賞我夠簡單真誠。」港威坦言女友為支持他才入場觀戰，對於成為「巴打」女神也感奇怪：「成個球場咁多女仔，唔明點解剩係影佢，好彩佢冇乜介意，只係話點解上鏡影肥咗少少。有人支持真係爭好遠，我呢排Fit咗都有啲關係。佢對足球興趣唔大仍然入場，真係好多謝佢！」