黃鎮廷目標明年入前5
銅牌變木牌，世界盃獎牌幾乎大過黃鎮廷塊面！日前在德國舉行的乒乓世界盃，「港乒一哥」黃鎮廷奪得季軍，成為香港史上首位獲得世盃男單獎牌的球員。在機場「阿廷」拿出獎牌，他表示：「從來未見過用木造的獎牌，而且咁大塊，其實都好得意。」
世盃銅牌變木牌
原定5日返港的「阿廷」，在德國遇上大塞車，未能趕上飛機，只能滯留在德國一晚：「我遲咗到機場，所以喺機場附近搵咗一間酒店瞓一晚。」談到今次比賽，黃鎮廷表示很滿意：「自己今次發揮理想，雖然入唔到決賽，但其實喺4強賽前都諗過有咁嘅賽果，無論之後季軍戰對卡臣或樊振東，我都有所準備。」他亦認為今次是其打波至今最好的成績，因為世界盃是乒乓球3大賽之一。
世界排名剛剛升上第7，創出個人排名新高，「阿廷」希望明年世界排名可以殺入前5！兩日後會出發前往中國參加超級聯賽的他，短期目標會放在12月8日在多哈展開的年終賽：「今年年終賽目標希望走得愈遠愈好，並且提高勝率。」