希望得到公平對待
期待已久嘅第一場比賽，終於喺日前完成，雖然輸波而回，但各球員感覺同氣氛都好好。第二場比賽亦喺上周六踢完，呢場係聯賽第一擊，球員表現同狀態都已經比第一場好，睇到落場球員嘅演出，明顯比第一場有進步，依家全隊上下都好有信心，好快可以攞到首場勝仗。
經過咗兩場比賽之後，球員已經深深感受到港超聯嘅水平高過國內嘅預備組賽事，大家都明白一定要繼續努力，先至有機會達到自己同球會嘅目標。
不過，經過兩場比賽之後都有啲唔開心，我覺得外界點話我哋係「話題球隊」唔緊要，但希望傳媒、球證、足總職員、場地人員，同埋各位球迷，可以用禮貌、正面同公平去對待R&F富力嘅職球員、富力陣中不論香港或內地球員嘅親屬朋友，同埋支持球隊嘅球迷，等大家可以盡情去支持港超聯。
專欄輪住嚟‧
R&F富力領隊兼助教 梁志榮