Michelle Jenneke今晚視覺震撼
今晚田徑場上又有新亮點，參加女子100米欄的澳洲索女Michelle Jenneke艷麗登場！這名23歲美女，因為4年前巴塞隆拿世界青年田徑賽中，開跑前的「熱身舞」被上載上網之後，旋即紅爆，而且人氣高企，紅足咁多年。今晚Michelle Jenneke將於晚上10時亮相，大家真係要黐實電視喇！
里約奧運話田徑場上少靚女冇乜睇頭？因此一排網民全力為各位「睇肉界粉絲」落力搜查，終於搵到Michelle於4年前的熱身片段，重新擺上網翻抄等大家開心吓。重溫段片，當年的Michelle做熱身作最後準備時，以跳舞為自己打氣，而且臉帶笑容，邊跳邊將雙手交叉胸前，時而擺動臀部，又懂得向住鏡頭甜笑及向觀眾席揮手，令她一夜爆紅，短片上載數日，已吸引超過40萬人觀看。
100米欄靚女踩入模界
這名擁有1米72身高及三圍36、26、36的豐滿身材運動員，近年除了專注跨欄，亦因其漂亮臉孔，成為廣告界及模特兒界寵兒，真係跑得又睇得，希望她在100米欄初賽可以有穩定發揮，成功殺入複賽，讓一眾粉絲熱血沸騰，可以再欣賞其獨一無二的「熱身舞」。
