英單車女隊貼告示禁男隊深夜入房
里奧場地單車賽，英國拎到男團追逐賽冠軍，但賽後女隊就好冷靜，反而仲有啲唔高興添。點解咁講呢，事關有人發現，一班女隊員喺自己房門口貼咗張警告紙仔，寫住：「致各位男團追逐賽成員，恭喜！我哋估計你哋睇到呢張紙時已經飲到醉晒，而且你哋當中一啲人，仲曾經唔小心入過我哋房，所以有個溫馨提示，呢間唔係你哋房，唔該唔好再喺凌晨4點走入我哋間房！PS，你哋間房喺嗰邊。」睇嚟班男仔已經唔係第一次走入女仔房喎！
好彩，女子隊都有值得開心嘅事，靚女車手羅拉卓治與隊友在場地單車女子團體追逐賽以新世界紀錄時間擊敗美國隊，為英國增添一面金牌，同時令羅拉成為首位擁有三面金牌的英國運動員。