陳芷澄香港之光

以奧運積分排名第56位躋身里奧的Tiffany，成為香港高球界之光，不但引來本地傳媒目光，同時惹起外國傳媒關注和追訪。能以業餘身份打奧運，Tiffany坦言非常難得：「奧運係所有運動員嘅夢想，而且今屆高球回歸，好開心可以為香港參賽，感覺同之前贏冠軍好唔同。其實業餘球手參加職業賽已經難，要有足夠分數去到奧運仲難，所以今次意義好大。」

挑戰偶像 靜坐減壓

自從去年在台灣職業賽封后，Tiffany過去一年已參加8項職業賽，包括於今年6月贏得香港女子高爾夫球公開賽，但她仍自覺欠缺職業賽經驗，奧運要跟星級球手較量，希望能好好處理壓力問題：「喺美國打波時，有心理醫生教我每晚瞓覺前同開波前，都要搵個地方坐低平復心情，唔好諗之前打成點、做過咩，因為打Golf係講心理戰，奧運比賽前我都會咁做，希望自己到時唔好咁緊張。」

6歲開始接觸高球的Tiffany，自小參加香港高爾夫球總會的青少年發展計劃，征戰里約熱內盧跟自己的高球偶像交手，感覺已有交代：「自己知道職業同業餘水平唔同，目標好難話想入前3，能入前40名已經好好。其實自己幾位偶像，好似高寶璟、朴仁妃同馮珊珊都會參賽，我哋由細到大都有見面，以前會諗點解人哋打得咁好，但自己又未得，今次能夠喺奧運舞台碰頭，都算達成其中一個目標。」

Tiffany明年在美國完成學業後，將會向職業高球路進發，並將下個目標鎖定在高手雲集的美巡賽：「自己打過中、日、韓、台巡賽，但就未打過美巡賽，打完奧運會參加美巡賽資格賽，希望能夠過關躋身美巡賽！」

個人檔案

姓名：陳芷澄 Tiffany

出生日期：1993年9月12日

就讀大學：美國南加州大學

世界排名：434

奧運積分排名：56

威水史：

世界大學生錦標賽冠軍（2014）

台灣TLPGA科技希望公開賽冠軍（2015）

香港女子高爾夫球公開賽冠軍（2016）

文：黃思朗

文：司徒子文