陳7肇麒大哥有Say

絕殺不丹 入波救全家

由2009年東亞運擊敗日本奪金，到去年世界盃亞洲區外圍賽變全城熱話，陳肇麒看盡香港足球興衰：「香港人好現實，你贏波咪支持你，如果之前港隊幾場都輸，我覺得一樣冇人睇。」的確，現實、善忘是香港人的特性，今次的港隊熱潮得以延續，全靠一班球員每場都盡力爭勝。

港隊作客不丹一役，陳肇麒在89分鐘頂入致勝一球，再次成為港隊英雄。就是這一球，令香港隊可以繼續力壓同組中國排第2，不少球迷更加期待香港隊可以粉碎「足球強國」的世盃夢。今次熱潮可以延續，「陳7」這一球可謂「救全家」。雖然成為入球功臣，但「陳7」卻說現在代表港隊已經不及以前激動：「依家最重要係拎到好成績，都係時候睇吓有冇後生仔可以上到嚟，教吓佢哋點樣踢一個前鋒。」

勸勉後輩 心態要良好

「當你冇表現，冇成績嗰陣，你就要畀人淘汰。我覺得後生仔應該要有呢個諗法，唔好以為簽到大球會就上咗岸。」你說香港人現實，其實球圈一樣現實，每年都有新球員加入，作為球員一定要維持良好心態，才可以保持競爭力。「所以，我一直以嚟嘅宗旨，就係要做到教練唔用我唔得，先證明到我有存在價值！」陳肇麒沒有經歷過，又怎提醒年輕球員？

18歲在傑志以正選前鋒身份上場，陳肇麒絕對是少年得志。之後負面新聞纏身，不但令他成為球迷的嘲諷對象，更要一度離開香港球壇。但他這位昔日的壞孩子，今天已經變成港隊老大哥。能站穩香港隊正選這個位置，自然有他的過人之處和付出過不可抹殺的努力，確值得年輕一代學習。

圖／文：王藝霖、黃兆崑