肥孖變弗仔家作健身室
梁冠聰與梁諾恆身形紮實，小時候卻同是體重達160磅的肥仔嘜。經過地獄式減肥後，兩兄弟雖已由肥仔變「弗仔」，卻不忘將家中變身健身室，警惕自己免再增磅。
為減磅食飯唔食餸
「細個好驚佢兩個踢親人，依家就驚佢哋畀人踢親。」梁媽媽沒有誇張，小時候重達160磅的梁氏兄弟，只需輕輕轉身，便能將對手撞倒在地，難怪被說成「屯門有對肥仔好茅」。曾被「青訓之父」黎新祥下令減肥，貪吃的冠聰惟有「食飯唔食餸」兼頻頻跑步，終成功減磅獲得選拔機會。「細佬」諾恆亦有樣學樣，試過寫紙仔鞭策自己唔做掌上壓就罰錢。
即使今日已「搣甩脂肪」，兩兄弟仍不敢怠慢，在家中添置啞鈴等健身器械。冠聰表示：「人始終會有惰性，倒不如買返家中提醒自己。」「細佬」銘記爸爸教誨：「一係唔好踢，要踢就要認真啲。」也許技術上仍有不足，兩兄弟的專業態度，卻勝過不少同齡年輕球員。