冇「朱基」一樣掂！夢想駿其KO香港飛馬
港超新軍夢想駿其在隊長朱兆基離隊下，昨日作客香港大球場，意外地以3比0輕取香港飛馬，當中兩位入球功臣分別是只得21歲的黃梓浩及20歲的鍾偉強，繼續煥發青春力量。
兩軍於開賽初段戰情膠着，戰至上半場補時，夢想駿其憑日援福田健二建功領先半場。香港飛馬易邊後反撲乏力，隊長利馬更於76分鐘報復推跌謝朗軒直紅出場。夢想駿其打多一個下，86分鐘由黃梓浩接應角球頂成2比0，20歲的鍾偉強補時再接應謝朗軒右路傳中頂入「埋齋」。夢想駿其壓過香港飛馬，升上第4位。
小將銘記朱Sir教誨
近仗改踢防守中場的梁國威貢獻助功，他笑言是向已離隊的朱兆基「學嘢」:「足球不是只踢一個人，朱基離隊便惟有一人多走一步。」取得職業生涯處子入球的鍾偉強更激動得眼濕濕:「朱sir去季已對我悉心栽培，我會一直記得他的教誨。」至於香港飛馬跌至聯賽榜第6，教練李志堅直言利馬報復行為不智，球隊整體發揮亦未如理想。被問到會否擔心帥位時，堅Sir就話「唔會諗咁多」。