超越ＭＪ占美畢拿封「半場波神」
芝加哥公牛昨日在作客多倫多一仗以115比113擊敗速龍，陣中主力占美畢拿雖然曾在上半場被對手批(月爭)打爆嘴角，一度退下火線接受治理。但他在換邊後再上陣狂轟40分，成為球隊反敗為勝的最大功臣，更打破由「波神」米高佐敦（MJ）保持的球隊半場最高得分紀錄，連「二哥」柏賓亦讚不絕口。
中批(月爭)後「扯火」狂轟40分
占美畢拿今戰首兩節4射1中只得2分，第2節時更因被速龍的卡路爾的上籃動作批(月爭)打中，嘴角受傷而要離場縫針。「占畢」下半場重返戰場竟有如脫胎換骨，於第3節狂轟21分後，最後一節再入19分，包括於完場前30.9秒射入3分波，助球隊反超前，最後帶領公牛以2分險勝。全場42分的他賽後承認因批(月爭)事件被「辣着」：「我係嬲，重新上陣後決定以表現發洩。」
打破「波神」的半場39分紀錄，自不然會引來比較，但畢拿不以為然：「唔好拎我去同米高佐敦比，因為其他人就會開始認為我要做佢做過嘅事。我嘗試繼續進步，但我哋完全唔係同一類型球員。」亦有觀戰的柏賓於twitter寫下感想：「占美畢拿好出色呀！平日真係好難見到咁勁嘅表現。」