大家好，一段時間冇喺呢度同大家見面，雖然我正在北海道度假，但亦在這裏同大家講聲2016年身體健康，萬事如意。
過去的2015年，應該係香港足球壇一個好年，代表隊在各項比賽成績都有持續好表現，好幾位球員都因為在國際賽有好表現，而得到國內球會青睞，但係我哋是否都應該趁呢個機會，好好為香港足球未來發展方向訂立目標，提升競爭力呢？
香港寸金尺土，場地一向係本地足球發展一大障礙，唔少職、球員都曾經向我投訴希望增加訓練量，但因為場地所限做唔到。連職業隊都場地不足，更何況係其他青年組別。運動員正是「台上一分鐘，台下十年功」，從孩童時代嘅基礎訓練，同埋青年軍各方面訓練都需要資源來配合。羅馬唔係一天建成，但我希望球圈中人，足總及政府可以多溝通、配合，令香港足運可以長遠及持續發展落去。
雖然我人在海外，但都一直有留意本地足球最新消息，最近香港飛馬幾位年輕球員有明顯進步，陣中幾位小將經過上半季磨練同比賽，成功入選香港隊出戰省港盃，我好希望佢哋可以把握呢次機會為香港爭光，亦藉呢次機會再一次進步，增強自己實力，為自己青春再添色彩。
香港飛馬董事及總監 蔡尚圻