高比仔聖誕最後獻禮

湖人大哥大 高比拜仁

Kobe早前確認征戰20季已經足夠，因此每次「小飛俠」落場的比賽都變得十分珍貴。慶幸今年聖誕大戰於湖人主場舉行，而且上演「洛城大戰」，令聖誕氣氛一時間熾熱起來！高比仔日前報稱因為肩膊痠痛曾經缺陣，但查實傷勢無礙，明顯是37歲的高比「不打沒把握的仗」，為聖誕檔期留力並作出調整，結果前一仗作客金塊即時發威，個人獨取31分帶領湖人贏波，賽後他表示：「我目前身體狀況唔錯，終於感覺似番自己。我覺得可以控制比賽節奏，睇到場上發生嘅事。」湖人昨日主場惡鬥雷霆雖然落敗，但高比上陣廿多分鐘亦攻入19分，狀態比起季初有顯注提升，似乎已做足準備迎擊快艇。

• 快艇入樽王 格芬

快艇3星孭飛唔易啃

近兩季都因傷無緣出戰聖誕賽，5奪總冠軍的「小飛俠」實在渴望在今場「洛城打吡」，將自己保持的聖誕大戰最多得分紀錄383分進一步增多。再者，近年紫金軍團積弱，快艇已成為洛杉磯「大哥大」，加上NIKE推出特別版波鞋「Kobe X」打氣，更激發起高比施展渾身解數，配合新星迪安捷奴羅素的得分能力，力爭贏波令湖人迷有個快樂聖誕。不過快艇由「CP3」基斯保羅帶領之下，已成為西岸冠軍熱門之一，這位星級控衞無論最擅長的助攻及投射命中率都不斷提升，再配合兩大「入樽王」格芬及迪安迪佐敦，實力超然。