占美畢拿寸教頭「太好人」
日前與活塞激戰4次加時的公牛，昨再度出師作客鬥紐約人，由於眾將疲憊不堪，最後以91比107不敵藍橙軍團。今仗表現一般、只攻入12分的占美畢拿賽後發牢騷，指教練賀貝治「太好人」不夠嚴格，未能推動球員全力作戰，言語間曝露了公牛內部不夠團結的弱點。
公牛日前主場與活塞鬥足4次加時以144比147輸波，多次加時對2連戰的公牛有極大影響。雖然公牛比賽初段及第3節都有不俗表現，但今仗控制權仍屬紐約人。藍橙軍今仗有主將安東尼攻入27分，終以16分大勝。公牛吞下2連敗，戰績改寫成15勝10負。
今仗只交出12分、5次助攻的占美畢拿，賽後被問到球隊需要交易改變現狀時說：「我相信我嘅隊友，我諗依家比較重要嘅係教練要嚴格啲。我都知賀貝治係個比較優柔嘅人，但係當球員打得唔好時，佢有必要話兩句，包括我都要。」球員絕少公開批評教練，就連公牛前教頭泰保杜被炒前，與球員關係緊張，都未有出現這種情況，證明公牛現時內部不齊心。
高比肩痛缺陣 湖人大敗
同日另一場賽事，湖人作客雷霆，「紫金軍團」主將高比拜仁，今戰因右肩感到痠痛，今季首次缺陣，結果球隊以78比118大敗。