高比回鄉送暖76人開齋
湖人主將高比拜仁昨回到家鄉費城作客鬥76人，並獲主隊送出特別版高中波衫。惟「小飛俠」無法阻止球隊7連敗，以91比103不敵對手，讓76人終止跨季28連敗之劣績，獲得該隊的今季首勝。高比宣布退役後，首次回到家鄉作戰，更有意大利球迷為此而辭職趕赴費城觀戰，但在匆忙之下未有Book酒店要瞓街！
76人開賽前為高比拜仁準備了多份禮物，除了高中波衫外，更播出一段短片向「小飛俠」致敬。高比今戰一開波就火力全開，外圍3投全中，令主場球迷大叫「MVP」。可惜高比的好表現無延續下去，最後他26投7中，連罰球攻入20分，「紫金軍團」下半場亦讓76人奪回主導權，終以12分之差輸波。
意球迷為睇波辭工兼瞓街
高比賽後感謝76人球迷：「我冇預過主場球迷會支持我，真係好感激佢哋。」今仗更有意國球迷為睇高比最後一次於家鄉作賽而辭職，豪使近萬美元到費城；由於太趕，這兩位意國高比迷更未有預訂酒店房間要瞓街。「小飛俠」的道別信日前在對溜馬的主場比賽時派發給現場球迷，旋即掀起炒風，最高炒價更高達1千美元（約7,750港元），可見高比人氣依然強勁。