薯仔田難阻港隊3連勝
剛重開的香港大球場一日已變回「薯仔田」，仍無阻港欖衝擊奧運資格！香港大球場獲賽馬會慈善信託基金撥款3,100萬港元、並「封場」7個月重鋪草皮重開後，一連兩日上演首項賽事「亞洲七人欖球外圍賽」，由10支亞洲區代表隊，爭逐1個奧運資格，草地使用僅3小時已「爛溶溶」，遭狠批為「豆腐渣工程」，幸香港男欖發揮未受影響，3場全勝，今日只要戰勝馬來西亞，即可以小組首名殺入盾賽4強！
網民狠批豆腐渣工程
賽事昨晨9時開始，至12時左右，新鋪草皮多處已翻起，即使未有下雨亦顯得非常鬆散，球員落地、攔截之時不時掀起「沙浪」，不時見到球員把握比賽的空檔踩平草地；熱身區更極速變成沙地，球員衝刺熱身時即沙塵滾滾！賽後球場即派職員逐處草皮按平，記者欲拍攝球場情況時，卻遭球場保安出言阻止：「活動已結束，無嘢好影！」網民紛紛狠批工程「豆腐渣」、又指草皮「31蚊都唔值」，難怪康文署早已「預計」到11月17日香港對中國的世界盃外圍賽，無法在大球場上演。
幸港男表現大勇，先後以46比0及29比0，分別大炒伊朗及菲律賓；壓軸戰對斯里蘭卡，在一度落後下，獲近6千球迷打氣，禾獲特在完半場前達陣，換邊後更上演大反擊，由T.麥堅、韋馬克、美爾斯及A.麥堅分別達陣得分，加上賀迪射入附加罰球，終以27比12反勝。
今晨分組最後一戰對馬國
華將姚錦成稱：「雖然觀眾人數不及香港國際七人欖球賽，但已是很大推動力，我們亦是為球迷而戰！球隊心理上處理得好好，非常集中。」港隊今早出戰最後一場分組賽對馬來西亞，若順利殺敗對手，就以首名出線；由於A組的南韓極大機會以次名出線，預計成為香港在同日上演的盾賽4強對手，日本則一如所料，壓倒性大炒南韓、新加坡及中華台北，過程中一分未失，大有機會成為A組「一哥」。