果然係虎父無犬女，傑志隊長盧均宜個愛女Lena雖然只得歲幾大，不過已經初露足球天份。均宜最近在交友網上發放一段陪囡囡踢波嘅片段，小Lena喺爸爸拖住之下踢住個大足球居然頭頭是道，睇嚟香港嘅女子足球未來有希望喇！
現任傑志助教嘅前香港足球先生盧比度確係寶刀未老，昨日在甲組聯賽為其効力嘅大中上陣對觀塘的賽事中建功，助大中勝出2比0。查實大中隊內除咗盧比度之外，仲有另一位前足球先生高尼路，卡士認真唔曳。
之前請假離隊回家湊B嘅南華後防主將謝家強，昨日特別向大家澄清，話之前誤傳佢太太生嘅係女，其實係「慈姑椗」先真！家強同另外兩位效力南華嘅「新任老竇」保贊與伊達，更喜獲足主張廣勇送上禮物及大利是一封，真係可喜可賀。