元老隊星閃閃好睇過曼聯
近年不乏英超勁旅訪港，元老球星表演賽卻相較少見；即使眾星難及當年勇，但仍無損香港球迷熱情，有曼聯球迷直言經典「魔將」比當打紅魔鬼更抵睇，期待未來有更多經典球星來港獻技。
十多名「紅魔躉」昨晨八時已於酒店門外守候球星，大部分均已購票準備入場。雖然部分名將難免中年發福，但「魔粉」阿Mo認為賽事吸引力不減：「以往英超球隊訪港甚少齊腳，像曼聯前年訪港，我們向尹佩斯嗌足全場，也只是上陣了十分鐘。元老賽雖預期不會激烈，但單以睇星角度已很吸引。」Masters Football近年定期於亞洲為退役英超球星主辦巡迴賽，另一「魔粉」阿Ju亦期望愈搞愈多星：「如果邀得曼聯與利物浦兩支元老隊交手，肯定更正！」