黃蜂靠J.Lin雙殺快艇

林書豪(白衫)繼續大爆發，帶領黃蜂贏波。

中國賽焦點林書豪於深圳站大放異彩，昨晚在上海站再一次代表黃蜂向現場觀眾致詞，兼且獲正選上陣。J.Lin今仗繼續有「瘋」狂演出，命中兩球三分之餘，剷籃及急停跳射皆得手，個人獨取黃蜂頭10分，勁爆演出震撼整個平治中心。

雖然傷愈復出的快艇控衛基斯保羅表現亦不俗，加上「入樽王」格芬的落力演出，快艇攻力比深圳有站有所提升。然而黃蜂在巴頓、艾爾謝法臣及林書豪都有雙位數的分的情況下，最終以42分差距贏波，中國賽雙殺快艇。林書豪今仗表現比甘巴獲加更好，新季極有機會「升呢」穩坐正選席位。比賽好睇，場邊巨星亦夠睇頭，中、美籃壇Icon米高佐敦及姚明都有到場，當中「小巨人」更帶同老婆葉莉及囡囡齊齊睇波，另外「劉欄王」劉翔亦是座上客，今次中國賽星味堪稱歷屆最強。

「上海友」劉翔（白衫）都嚟捧場。	米高佐敦現身，引來全場球迷尖叫。	姚明一家大細睇波，眼都唔眨。

與港府研究可行性

中國賽有聲有色，今年上海站更錄得破紀錄的60個賽事贊助，NBA中國CEO舒德偉昨早受訪時稱，中國賽一定會陸續有來，並大爆已計劃與港府聯絡，研究將賽事安排在香港舉行。香港曾於2000年悉尼奧運前，於紅館舉辦鑽石盃，多國勁旅均有參賽備戰奧運，朗尼、拿殊及史杜積高域都有到港，不過若NBA中國賽落實在港舉行，矚目度肯定是歷來最強。