濠江博殺只贏一萬幾千
「開心果」都有火！昨晚奧尼爾踩入灣仔修頓室內場館出席「L.I.F.E.飛常Party」，原本心情爆靚，惟因球場保安問題「著咗」，黑面離場。
「巨無霸」在籃球表演賽上擔任教練，不時落場搞搞震的「Shaq」心情勁靚，不過由於球賽完結後變成舞池，奧尼爾責備現場「實Q」未能控制傳媒及球迷，以致他受到騷擾，故未有如期接受部分傳媒訪問，憤而離去。
奧尼爾前日抵港後匆匆過大海，加上連串宣傳活動，舟車勞頓加上時差問題，難免「開心果」都會躁底。另有消息指奧尼爾前日在澳門賭場贏過百萬，有份陪同「Shaq」卦濠江的L.I.F.E.營運總監Galen Ho指全晚玩廿一點的「巨無霸」只是「贏一萬幾千銀」啫！