主辦單位安排查斯古特及香港學界精英賽神射手廖澔弘玩射龍門，由謝德謙負責把關。射龍門好容易？但如果個龍門比正常的細幾倍，更有大大個人企喺門前擋住，就一嘅都唔易！不過對於埋門能力超強的查斯古特嚟講就係兩個字：輕鬆。只見佢「腳腳七注」，射到個波「砰砰聲」，又快又準，最後一射更用假動作呃過謝德謙射入，精彩到暈。
謝德謙讚佢好「假」
謝德謙笑言：「佢嘅假動作真是好『假』！」更讚37歲嘅佢身形依然「弗爆」：「咁弗應該繼續踢，冇理由咁早收山，去一些低組別球會或地方踢波，以佢嘅技術、經驗同名氣，更可以帶動當地嘅足球發展。」言下之意，唔通謝德謙想查斯古特登陸港超聯？