4萬一張通行證F1貴賓席確巴閉

想睇車壇巨星話咁易

車迷到F1英國站觀戰，一張3天通行證售價「閒閒地」已經要400鎊（約5,000港元）以上，貴賓席通行證售價更高達3,450鎊。收得咁嘅價錢，當然要有VIP級享受，車迷只要一證在手，除了可安坐維修站上方飽覽最佳視野的貴賓席觀戰外，又可玩盡普通車迷要大排長龍的換胎、F1賽車遊戲，而且一眾「貴賓」更會獲邀到維修站及相關車隊車房參觀，由於車手完成排位賽及比賽後慣性會到貴賓席「應酬」，VIP車迷要近距離接觸車壇巨星亦易如反掌。

幸好為免讓整個賽事一面倒傾向貴賓變得太過「離地」，賽會亦安排車手在周六的排位賽後，到戶外大舞台跟車迷見面。英國是平治車手咸美頓的主場，「黑帝」人氣當然一時無兩，而且主場車迷亦愛屋及烏「善待」其隊友洛辛保，日前便齊齊合唱生日歌為他補祝30歲生日，認真有人情味！