港足世盃外賽事「激罕」連爆兩場，不少「行慢兩步」的球迷求「飛」若渴，不惜在網上徵求「6‧16」球票撐自己人，亦有持票人士出讓波飛，有粉絲留言話：「250蚊一張，心大心細。」
定價130元的正價成人飛與40元的特惠票，早於上周四港隊大炒不丹後已被掃了一大截，至該仗翌日更於3個半小時內賣清光，意味旺角場6000多個座位將於6日內兩度爆棚，不少未有球票的fans希望見證紅旗再高掛盛況及入場支持港隊，於網上討論區留言「求飛」，有些心急人更以「跪求」字眼，表示可「加些少車馬費」以奪得心頭好；網絡世界出現另一輪搶飛戰，事關有「巴打」話連續3次問都「畀咗人先」，顯得十分忟憎。
有求就有供，有持飛人士亦因「種種原因」放售波飛，有人聲稱：「朋友突然去唔到，但我係飛的士去買，所以要計返的士錢。」是否變相炒飛見仁見智，但不收費的無綫J2台將直播賽事，有心人想炒起個市的如意算盤未必能打響。