筆者係「大帝」勒邦占士fans，整個季後賽都撐佢可以捧盃，就算路夫同艾榮先後受傷，「三巨頭」得番「大帝」一個孤軍作戰，筆者仍然相信騎士最終可以笑到最後，會以4比2擊敗勇士奪冠。
騎士於昨仗一直領先，勒邦占士做出「大三元」，更表現出領袖風範。筆者經常認為一場波可以轟入50分的球員（好似安東尼），只能稱得上是球星。真正的領袖是自己可以得分之餘，更可激發隊友做出最佳表現，就好似「波神」米高佐敦便往往能令隊友打得更好。
勒邦占士現時正處於「波神」的境況，騎士陣中只有8個球員可以用，但表現依然出色。尤其是代替艾榮上陣的迪拉維度華，盡顯防守專家本色，面對史堤芬居里未落下風。未知是否受到不少媒體以「那渣」來形容迪拉維度華，筆者覺得「咖喱仔」此戰明顯「怯」了對方，表現較拘謹，有點擔心會受傷，最終騎士加時贏波總場數追成1比1平手。Game3回到主場的騎士，相信仍是以勒邦占士作為攻擊重心，勇士則會以「二人夾擊」對付「大帝」，或可令騎士其他球員有機會扛起得分重責，助球隊再下一城。