大衞韋斯唔知美斯係乜水?
「而我不知道美斯是誰！」阿根廷國家隊近日於美國集訓，昨日偷得浮生半日閒，拉大隊入場觀賞巫師主場對溜馬的NBA常規賽，陣中巨星美斯更獲巫師贈送10號球衣作紀念。不過，美斯入場未能為巫師帶來好運，球隊最終以101比103不敵溜馬，後者贏波功臣之一大衞韋斯被問到知否美斯入場睇波時，竟然反問記者：「美斯係乜水？」
阿根廷國家隊於美國約戰薩爾瓦多及厄瓜多爾進行兩場熱身賽，一眾阿根廷國腳昨日到首都華盛頓後，即殺入巫師主場Verizon Center，為溜馬的阿根廷籍大前鋒史高拉打氣。巫師主場攝影師在比賽暫停時，更給「潘斯帕雄鷹」眾將來一個大特寫，現場球迷都即時歡呼喝采。巫師雖然輸波，但賽後美斯仍獲巫師贈送10號波衫，又與史高拉、溜馬主帥禾高及即將復出的保羅佐治一起合照留念。
不過，並非在場所有人都對足球有認識，今仗貢獻10分及11個籃板的溜馬大前鋒大衞韋斯，明顯就是「足球白癡」。當溜馬官網記者指着看台講出「球王」名字後，大衞韋斯一面冷漠地反問：「美斯係乜水？佢做邊行？」
美斯及一眾阿根廷國腳訪美，令美國球迷為之瘋狂，近日在喬治敦大學操練吸引了不少球迷及學生到場，希望一睹巨星風采及要求合照、簽名等等，而美斯亦有求必應，盡顯親民作風。
D Rose趕復出打季後賽
昨日另一場公牛作客速龍，公牛憑占美畢拿攻入全隊最高23分，以116比103大勝對手；至於因右膝手術而再度長抖的「牛魔王」 戴歷羅斯，表示復原進度良好，有機會在常規賽完結前復出。