Sporty Girls解開不攰之謎！
吊頸都要透吓氣！《東網》體育台製作、傑志特約節目《傑志情報站》嘅兩位主持，Sporty Girls嘅Cathy同Iris就算工作幾忙，手痕起上嚟都會約埋一齊打吓籃球「止痕」，但係打唔夠一陣就嗌攰，好心佢哋就向傑志班球員請教吓啦！
介紹番：體能教練丁仔
傑志由二月尾開始踏入魔鬼賽程，同時要兼顧港超聯同亞協盃兩條主要戰線，但一班球員依然保持良好狀態，落到場龍精虎猛，好似唔識攰咁！原來除咗班球員夠晒自律，同埋主教練摩連拿訓練有素外，最緊要係傑志有「丁仔」喺度嘛！邊個係「丁仔」？佢咪就係傑志一隊嘅體能教練馬丁囉！想知「丁仔」平日忙啲乜？去片等Cathy同Iris為大家介紹啦！
均宜 明仔撈過界講波
傑志球員多才多藝，隊長盧均宜同「能屈不能伸」嘅中場張國明「明仔」，就喺今集齊齊撈過界，為大家擔任足球評述員，想聽佢哋講成點？睇《傑志情報站》第5集就知啦！
要數今集最爆環節，一定係《球員大激鬥》！筆墨根本冇辦法去形容有幾咁激，真係要睇過片先至知喇！提提大家，片中球員所有高難度動作都經過專人指導，而且絕冇任何虐待球員之意。《傑志情報站》第5集，大家記得多多捧場啦！