作客表現甩轆占士自認垃圾
NBA昨日爆發東岸決賽前哨戰，東岸「1哥」鷹隊於主場迎戰騎士，主隊成功頂住攻力一流的騎士，當中小前鋒卡路爾更擔演「大帝終結者」角色，令騎士的勒邦占士全場只得18分，並有9次失誤。鷹隊最終以106比97贏波，「大帝」輸波後自評表現太差，就如垃圾一樣！
篤定打入季後賽的鷹隊，今仗以壓迫性防守抵擋騎士的進攻，不讓其主力勒邦占士及艾榮隨心所欲地策動攻勢，高壓防守更令二人分別有9次及5次失誤。除了失誤多多，「大帝」今仗受鷹隊處處掣肘，全場13射只得5中，面對鷹隊的卡路爾時，7射僅1球中鵠，命中率低至14.3%。受制於卡路爾的占士更曾以「超技術」得分，但被吹罰進攻犯規，與球證理論時被罰技術犯規。
鷹隊防守出色之餘，進攻亦如魚得水，全隊共6人得分達雙位數。雖然騎士曾在第3節狂轟36分將比數拉近，但主隊第4節再度發力，終以9分之差贏波，取得6連勝。鷹隊、騎士今季常規賽4戰系列賽已經全數打完，前者錄得3勝1負的佳績。
卡路爾做「大帝終結者」
「大帝」賽後亦狠批自己：「今場9次失誤，我認為有5次係無壓力下犯錯，簡直係垃圾一樣。我喺呢一方面真係要好好改進。」他又表示今戰鷹隊以策略擊倒騎士，自己準備不足才會輸波。至於成功牽制占士的「大帝終結者」卡路爾，就指自己的任務很簡單：「我只係想好似啲飛蟲一樣，喺佢身邊飛嚟飛去咁騷擾佢，令佢唔可以打得咁舒服。」