達基斯爭氣助熱火贏波

達基斯（右）被惡意招呼仍攻入21分，帶領熱火獲勝。（美聯社圖片）

倒戈太陽遭惡意「招呼」

昨仗是達基斯轉投熱火後首次面舊東家太陽，前者打得相當不如意，上陣10分鐘已經領到5次犯規。不過，達基斯一次快速上籃遭舊隊友馬基夫摩利士「成個撞咗出場」，結果後者領到二級惡意犯規被逐。熱火中鋒韋西迪其後於太陽中鋒阿歷士蘭恩面前大力入樽，但韋西迪落地時手肘打到阿歷士蘭恩，結果兩人扭作一團直接跌出場外。兩隊球員見狀即上前勸架，球證及後直接將兩人驅逐出場。

兩隊共3人被逐令賽事失色不少，當中太陽失去了正選中鋒及大前鋒影響甚大，結果熱火在達基斯貢獻21分及4個籃板下，最終以115比98擊敗太陽。不過，對於兩周前仍屬隊友及聲稱與太陽球員關係猶如好朋友的達基斯，此戰面對舊東家竟遭「好朋友」馬基夫摩利士以惡意犯規「招呼」，相信會感到非常唏噓，熱火明早將續於主場鬥湖人。

兩位悍將喺籃底炒埋一碟，阿歷士蘭恩（右）出手推開韋西迪。

韋西迪（白衫）一時火起，出動摔跤招式夾硬將阿歷士蘭恩撞低。

（周四早上9時開賽）

另外，NBA官方宣布火箭後衞占士夏登前日對騎士時，用腳踢「大帝」勒邦占士下體的動作被罰停賽1場，將會缺陣球隊今早作客鬥鷹隊的賽事。

NBA明日賽程	NBA昨日戰果	NBA今日賽程