大帝力拚得分王
NBA全明星賽明早在紐約麥迪遜廣場公園熱鬧開騷。正所謂長江後浪推前浪，當今籃壇Icon勒邦占士已不能再「隻手遮天」，明早將率領東岸明星隊火併西岸明星隊，迎接兩位「後浪」史堤芬居里及占士夏登的挑戰。「大帝」除了想揚威這場「MVP前哨戰」外，更希望超越高比拜仁及米高佐敦，爭做全明星賽「得分王」，呢場大戰可說是萬眾期待！
（now 635周一早上9時直播）
今季唔少球員都傷病纏身，「入樽王」格芬、「閃電俠」韋迪、「一眉狀元」安東尼戴維斯及高比拜仁均因傷退賽，當中「小飛俠」更因要養傷講明不會到場觀戰。不過，今屆全明星賽依然大有睇頭，加素兄弟各為其主，創歷史成為全明星賽史上首對正選披甲的兄弟；「鷹隊4子」荷福特、高華、米沙比及泰古爾齊齊入選，亦證明毋須星味，只要有實力就有出頭天。但講到賽事最大看點，始終是「大帝」的「王位保衞戰」！
入33分可超天勾佐敦
今季重返騎士的占士依然交足貨，但鋒芒卻被勇士控衞「咖哩仔」史堤芬居里及火箭球星「大鬍子」占士夏登蓋過，當中「咖哩仔」更打破「大帝」壟斷，「升呢」做今屆明星賽「票王」。雷霆王牌杜蘭特賽前更加把嘴，揚言「大鬍子」今季比任何人更有資格贏得常規賽的最有價值球員，就連「大帝」都甘心認低威，這位新任球員工會副主席表示：「史堤芬居里同占士夏登喺常規賽MVP嘅競爭上係領先緊我，但球季仲有一半，我同騎士會後上發力。」
連續10屆以正選身份出戰全明星賽的占士，目前於明星賽累積攻入248分，若果明早能攻入33分，即可一舉超越「天勾」渣巴（251分）、「波神」米高佐敦（262分）及高比拜仁（280分），成為全明星賽的「得分王」，可以預期「大帝」為省招牌肯定去盡。去年東岸憑艾榮大爆發，以163比155擊敗西岸，但今年西岸明星隊猛將如雲，史堤芬居里聯同占士夏登及奇利湯臣組成的後場已經得人驚，強如「雷霆孖寶」杜蘭特及韋斯布克都要做後備，西岸一心復仇肯定好睇過戲。
西岸明星隊正選
後備（位置/効力球隊）
艾迪列治（前鋒/拓荒者）
古辛斯（中鋒/帝王）
杜蘭特（前鋒/雷霆）
列拿特（後衞/拓荒者）
魯域斯基（前鋒/小牛
基斯保羅（後衞/快艇）
韋斯布克（後衞/雷霆）
主帥：卡爾（勇士）
東岸明星隊正選
後備（位置/効力球隊）
荷福特（中鋒/鷹隊）
保殊（中鋒/熱火）
米沙比（前鋒/鷹隊）
占美畢拿（前鋒/公牛）
泰古爾（後衞/鷹隊）
高華（後衞/鷹隊）
艾榮（後衞/騎士）
主帥：保丹賀沙（鷹隊）