CBA季後賽應搵國際球證

本地籃球賽於3月揭開戰幔,打頭陣係銀牌賽事,聯賽去到4月正式開打,一路會打到7月尾先結束。不過,內地嘅CBA賽事已去到季後賽階段,20隊經過38輪賽事,最好成績8隊進身季後賽。

CBA季後賽對陣係1號種子廣東對8號種子同省嘅東莞、2號種子遼寧對7號種子廣夏、3號種子青島對6號種子山西、4號種子北京對5號種子吉林。季後賽首輪採5盤3勝制,排名較低球隊先喺主場出擊,其後兩仗作客,接着再回到主場打1場,然後作客再打1場,最先贏到3場嘅球隊就可打入4強。

減少爭拗 提高水平

由於去到季後賽階段,球隊嘅防守亦變得非常硬淨,因此多次出現教練與球證因判決問題發生衝突,其中遼寧主帥郭士強更因被逐後拒絕離場,最終被罰停賽2場。筆者觀賞了多場賽事,發現球證嘅判決的而且確係有偏差,以CBA現有財力,如果在4強及決賽階段邀請國際知名球證執法,除可令賽事水平提高外,更可令內地球證多個學習機會。

大裕言

永倫籃球隊教練 蔡芳裕