勇士現時交出如此好的成績，自然令球迷聯想起「公牛王朝」當年做出的72場常規賽勝利的成績，球隊當時擁有一對很好的後場組合，就係「波神」米高佐敦同「二哥」柏賓。勇士同樣都擁有一對好好的後衞組合史堤芬居里同奇利湯臣，但係能否破到當年公牛的72勝的成績，筆者就不太樂觀。
睇返當年公牛的陣容非常完整，而且打法好全面，在米高佐敦同柏賓的帶領下攻守兼備。勇士今季直到現時雖做出21勝2負的佳績，但球隊打法偏向快速反擊，同埋以準繩的外圍3分波為主，在以對攻局面下防守力就顯得較為薄弱。
快攻球隊多數以小球戰術為主，同時講求投射命中率，雖然史堤芬居里同奇利湯臣今季於3分線上的命中率都有近4成以上，但能否保持一整季，筆者就認為可能性不大。一場賽事可以保持高的3分球命中率已經不是易事，更何況是82場常規賽賽事，要保持超過4成的3分球命中率，絕對係一件不容易的事情。所以，筆者認為如果勇士今季可以拿到60場以上的常規賽勝仗，已經係非常令球迷滿意。
永倫籃球隊教練 蔡芳裕