波有雙紅會馬有國際賽 精彩節目由頭贏到尾
嘩！呢個禮拜波、馬大件事嘞！周日晚波壇有英超雙紅會曼聯主場鬥利物浦，至於馬壇就仲犀利，星期日係一年一度嘅國際賽盛事，東網體育台同馬經台精心製多個精彩節目，陪大家一路睇一路贏！
波經台率先推出《英超美女戰隊》，曼聯躉Yennie同nowTV體育台主持小櫻同你破解曼聯T Back嘅秘密！
睇完靚女就到金句王Peter黃接力，佢會喺今晨隆重登場嘅《桂神來料》論盡球壇！
馬經台《馬友友》今午5點，馬壇首席大師傅張基拍住靚女實習生Cherry，講馬兼煮餸，堅爆！
食埋晚飯，今晚11點輪到香港兩個最靚馬評人莎拉同Gigi接力推介國際賽堅料！
仲未夠喉？快啲煲埋國際賽特別企劃《日本馬Kawaii》啦！齊齊做定功課，一於波馬齊W！