中超昨午煞科，廣州恒大淘寶（足智彩譯：FC廣州）賽前領先次席嘅北京國安3分，最後一輪作客山東魯能只要不敗便可封王，結果恒大同國安齊齊和波，恒大喺先失一球情況下，憑艾傑臣入波以1比1逼和魯能，連續四屆奪標。大連實德曾經喺96至98及00至02兩次造出三連霸，恒大歷史性成為中國頂級足球聯賽首支四連霸球隊。該隊的意大利籍教練納比賽後宣布下季唔會再做教練，有可能轉任球會技術總監。