韓日均力敵吼半和
亞運男子足球今日上演四場半準決賽，最矚目首推東道主南韓火併冤家兼去屆金牌得主日本。南韓今屆四戰全勝兼冇失波，表面上睇戰績靚到暈，不過其實佢哋所遇對手實力不高，根本未受真正考驗。相反日本雖然輸過畀伊拉克，但對呢班冇大國腳領軍嘅小將嚟講係上咗寶貴一課，來到此階段相信大家都會踢得非常謹慎，半場和及入球細都係心水選擇。
（有線61及201台周日下午4時直播）
南韓、日本呢對宿敵每次碰頭有幾激烈相信唔使再多講，南韓作為今屆亞運主辦國，當然想喺日本手上搶番呢面男足金牌。南韓今屆踢咗四場比賽全部贏晒，但表現未見霸氣，分組賽除沙特阿拉伯實力較接近，其餘馬來西亞、老撾根本未入流，就算十六強面對港隊，南韓亦要去到下半場才憑一次靚組織打破悶局，今次對住實力更強、防守更嚴密嘅日本肯定更惡踢。
日本分組賽曾以一比三不敵伊拉克，不過面對科威特、尼泊爾及上圈鬥巴勒斯坦均踢出水準，平均每場都攻入四球，信心似乎未受動搖。當紅射手鈴木武藏今屆賽事已入五球，有力問鼎神射手，勢成南韓後防心腹大患。兩軍實力半斤八両，而且受歷史背景因素影響，大家都特別唔想輸畀對方，估計比賽初段戰情會較膠着，2.05倍半場和可捧，而且全場入波亦唔會多，細盤可兼顧。
伊拉克金牌之選要追
另外幾場賽事，北韓面對實力平平嘅阿聯酋，過關難度不大，捧主W。（有線61及201台周日下午1時直播）泰國屬一路奇兵，今屆四戰攻入十三球不失一球，面對上圈要踢加時嘅約旦唔輸蝕，受讓捧讓球主勝。（有線64及203台周日下午1時直播）最後沙特阿拉伯鬥伊拉克，伊拉克係波童今屆金牌之選，四戰全勝之餘仲要場場入三球以上，客勝及大盤均可取。
（有線64及203台周日下午4時直播）
靈感女神莎拉是日亞足金「據」
(日)7 泰國男亞足 Vs 約旦男亞足
約旦16強踢到加時先至晉級
(日)10 南韓男亞足 Vs 日本男亞足
南韓今屆亞運冇失過波
(日)11 沙特阿拉伯男亞足 Vs 伊拉克男亞足
伊拉克今屆每場比賽最少入3球
笛子波童